Lifur

Bara að minna alla á að kjósa mig á www.frambjodandi.is. Tökum þessa ræfla í errið.
|

Ja hérna! Ég sem ætlaði að blogga akkúrat núna en mér dettur þá bara alls ekkert í hug. Verð þó að viðurkenna að ég gæti sagt frá ýmsu sem á daga mína hefur drifið að undanförnu en læt það alveg ógert að svo stöddu.
|

Eins og lýðum mun vera ljóst er afmælispartýi ársins lokið og fór það gríðarlega vel fram. Samkvæmt opinberum tölum frá Sýslumannsembættinu á Húsavík mættu 42 í veisluna á aldrinum 5 til 66 ára. 31 lítri af bjór, tæpir 10 lítrar af bollu, 8 pokar af flögum, 1 kassi af Prince Polo (Elitesse) og ógrynni af smurðu brauði hurfu eins og dögg fyrir sólu. Ég held að allir hafi skemmt sér konunglega. Eða það minnir mig allavega. Að minnsta kosti hefur engin haldið öðru fram í mín eyru. Nú er stóra spurningin. Tekst Nonna að slá þessa veislu út með brúðkaupsveislunni sinni. Mér þætti gaman að sjá það.

Þeir sem voru vant við látnir geta nagað sig í handarbökin eða aðra líkamshluta ef ekki vill betur til. Þar á ég sérstaklega við þá sem afboðuðu sig með kvef, eða eiga tengdapabba úr Bárðardal eða þá sem fóru til Vestmannaeyja, eða þá sem þögðu þunnu hljóði.

Hef heyrt því fleygt að heimildarmyndin um samkvæmið verði útnefnd til Edduverðlaunanna sem heimildarmynd ársins.
|

Geri ráð fyrir því að hátíðahöldin byrji svona einhverntíma upp úr kvöldmat. Annars kemur fólk bara og fer þegar það vill.
|

Fyrir þá sem eru algerlega úti að aka. Þá held ég uppá afmælið mitt, þann 4. ágúst 2007 á tjaldstæðinu á Sigríðarstöðum í Ljósavatnsskarði. Bara mæta með góða skapið, tjald, tjaldvagn, fellihýsi, hjólhýsi eða bílstjóra. Drykkir í boði hússins.
|

Jæja, þá er maður nú loksins kominn í sumarfrí. Ætla að liggja í leti fyrst um sinn.

Minni á hátíðahöldin um helgina. Vonast til að sjá sem flesta. Veðurspáin er að vísu ekkert sérstök fyrir helgina, en kommon, það er nú ekkert sem við Frónbúar höfum ekki séð áður. Mæta bara í kuldagallanum ef ekki vill betur til. Þannig að engar afsakanir duga, jafnvel þótt menn séu tengdir einhverjum í Bárðardal. Sjálfskipuð skemmtinefnd systra minna ku vera að störfum og ég get bara ekki ímyndað mér hverju þær taka uppá en vonandi verður það allt innan velsæmismarka. Það er engin sérstök tilkynningaskylda en þó nokkrir hafa boðað komu sína en hinir mæta bara galvaskir. Er það ekki annars?
|

Þar sem títtnefndur talsmaður ákveðinna samtaka hefur ekki látið svo lítið að svara mér þá lít ég svo á að ég hafi haft rétt fyrir mér.

Þið sem ekki hafið fengið boðskort í afmælið mitt örvæntið eigi því að dyggir lesendur þessarar síðu eru sjálfsögðu velkomnir í veisluna.

Það er að segja ef að ég þekki ykkur.
|

Talsmaður samtaka framliðinna harmonikkuleikara hefur krafist þess að ég dragi ummæli mín um brottvísun rúmensku harmonikkuleikarana til baka og lýsi þau dauð og ómerk. Það tilkynnist hér með að það er algerlega fjarri mér að gera slíkt og getur viðkomandi bara átt sig.

Hins vegar tilkynnist það að samningar hafa náðst um hátíðahöld af tilefni meints þrítugsafmælis míns og verður gerningurinn haldinn þann 4. ágúst næstkomandi á tjaldstæðinu á Sigríðarstöðum í Ljósavatnsskarði en þar skoppaði ég um grundir seint á síðustu öld.

Blóm, kransar og klósettpappír vinsamlega afþakkaður.
|